Մեծի Տանն Կիլիկիոյ Կաթողիկոսութեան Ներկայացուցիչի Հանդիպումը Իրանի Նախագահին հետ։
Լիբանան կատարած իր պաշտօնական այցելութեան ծիրէն ներս, Իրանի Նախագահը պաշտօնական հրաւէր
ուղղած էր Արամ Ա. Կաթողիկոսին նախաճաշին սեղանակից ըլլալու իրեն: Յանուն Վեհափառին եւ
Մեծի Տանն Կիլիկիոյ Կաթողիկոսութեան, նախաճաշին ներկայ եղաւ Գերշ. Տ. Նորայր Եպս. Աշըգեան:
Սրբազանը Վեհափառ Հայրապետին ողջոյնները փոխանցեց Նախագահին ու յաջողութիւն մաղթեց իրեն
իր առաքելութեան մէջ: Նախագահը իր կարգին ողջունեց Վեհափառը եւ յատուկ համակրանքով անդրադարձաւ
Իրանի հայ համայնքին մասին: