Pakistan: Prindërit e vajzës së përdhunuar e më pas të vrarë denoncojnë krimin. Organizatat
joqeveritare të krishtera do t’i mbrojnë.
Mbase do të ketë drejtësi edhe për Lubna Masih, vajzën 12-vjeçare të përdhunuar e
më pas të vrarë nga një grup myslimanësh në Ravalpindi, në Pakistan. Tani që kanë
kaluar më shumë se dy javë ngurrimesh, prindërit mposhtën frikën dhe kërcënimet e
vendosën më në fund të denoncojnë zyrtarisht pranë organeve të policisë vrasjen e
vajzës së tyre të vogël. Ngurrimi që kishin treguar deri më sot prindërit shpjegohet
me tmerrin dhe frikën që kishin se mos pala e paditur në gjyq hakmerrej kundër kësaj
familjeje dhe se njerëz me ndikim mund të ushtronin presione. Rasti i përdhunimit
dhe i vrasjes barbare të 12-vjeçares së krishterë Lubna Masih është pjesë e valës
së dhunës kundër të krishterëve në Pakistan. Kështu, edhe Kiran Najaz, 13 vjeçe, katolike
nga Faisalabad u përdhunua nga një i ri mysliman dhe tani është shtatëzënë dhe jeton
nën mbrojtjen e Kishës katolike vendore.