Selia e Shenjtë dhe OKB-ja për përparimin e grave dhe çarmatimin, në shërbim të zhvillimit
të popujve.
(13.10.2010 RV)“Promovimi i grave në çdo vend dhe urgjenca e çarmatimit në
mbarë botën, janë dy çështje vendimtare për zhvillimin e popujve”. Kështu u shpreh
delegacioni iSelisë së Shenjtë, në kuadrin e Asamblesë së 65-të të Kombeve
të Bashkuara, në vijim pranë Pallatit të Qelqit, në Nju Jork. Ardhmëria e mirëqenies
së bashkësisë njerëzore varet në një masë të madhe nga aftësia e qeverive dhe e shoqërisë
civile për respektimin e vërtetë të grave, të dinjitetit e të vlerave të tyre, pohoi
Kati Marfi, këshilltare e Misionit të Selisë së Shenjtë pranë OKB-së. Ndërsa duke
folur për çarmatimin dhe sigurinë ndërkombëtare, u theksua se në dhjetvjeçarin e
fundit shpenzimet ushtarake janë rritur, duke arritur, në vitin 2009, në shifrën
1 miliard e 531 milionë dollarë, me një rritje prej 49% në krahasim me vitin 2000.
Nga ana e Selisë Apostolike u kërkua pakësimi i këtyre shpenzimeve, në ndihmë të të
varfërve, si dhe krijimi i një Fondi botëror për programet e zhvillimit. Armët – kujtoi
me qortim vëzhguesi i përhershëm i Selisë së Shenjtë pranë OKB-së, imzot Çullikat,
nuk mund të krahasohen në asnjë mënyrë me të mirat e tjera materiale të tregut, ndërsa
zotërimi, prodhimi e tregtimi i tyre, ka ndikime shumë negative etike e shoqërore,
për të cilat nuk mund të heshtim.