Насеньне супакою
- так назваў свой артыкул Octava Dies кіраўнік Мас-медыя Ватыкана айцец Фэдэрыко
Ламбардзі На працягу двух тыдняў католікі Блізкага Усхода будуць ў цэнтры ўвагі
ўсяго Касцёла, бо ўсе іх біскупы збяруцца ў Рыме на Сінод. Блізкі Усход з'яўляецца
рэгіёнам, дзе хрысціяне складаюць меншасць, часта пазбаўленую якога-небудзь палітычнага
або сацыяльнага ўплыву, а стан пастаяннай вайны ці напружанасці заьівае іх надзею
на будучыню і прымушае на эміграцыю. Але гэта таксама рэгіён, дзе хрысціянства нарадзілася,
дзе мае свае карані і старажытныя традыцыі, унікальныя культурныя і духоўныя багацці.
Таму праблемы Касцёла на Блізкім Усходзе закранаюць ўсіх нас."Еднасць і сведчанне"
- тэма Сінода нагадвае, што першая суполка вернікаў у Ерусаліме "была адзіным сэрцам
і адзінаю душой".
Хто не мае палітычнай або ваеннай улады, часта пакутуе ад
гвалту і можа звяртацца толькі да сілы духу і любові. Больш глыбокі саюз паміж рознымі
каталіцкімі супольнасцямі на ўсім Блізкім Усходзе можа памагчы пачуць іх агульны крык
і плач за мір, узняты моцным і надзейным голасам без аніякіх зацікаўленняў, акрамя
справядлівасці. Падбадзёрыць іх падтрымкай шматлікіх Касцёлаў у іншых частках свету,
салідарных з патрэбамі духоўнай і матэрыяльнай дапамогі,- вось бесперапынны інтэнсіўны
клопат Папы, які зажадаў зрабіць гэты Сінод голасам, знакам і насеннем надзеі і міра.