Прэзэнтацыя Спецыяльнага Сінода Біскупаў для Бліізкага Ўсходу
У прэс-цэнтры Ватыкана
Арцыбіскуп Мікола Этэровіч, Генеральны Сакратар Сінода, паінфармаваў у пятніцу прадстаўнікоў
СМІ аб значэнні і ходзе Спецыяльнай Асамблеі для Блізкага Ўсходу. Сінод адбудзецца
ў Ватыкане ад 10 да 24 кастрычніка гэтага года на тэму: «Каталіцкая Царква на Блізкім
Усходзе:еднасць і сведчанне:" Грамада вернікаў мела адно сэрца і адну душу (Дз 4,32)
"».
Монс. Этэровіч прадставіў журналістам рэгіянальны Каталіцкі Касцёл лацінскага
і ўсходняга абрадаў, назваў склад удзельнікаў Асамблеі, а таксама выявіў тыя асаблівасці
і душпастырскія мэты, якія адрозніваюць гэты Сінод ад папярэдніх. Ён паведаміў, што
на дні працы Сіноду " Радыё Ватыкан" адкрыла спецыяльныя вэб-старонкі на шасці мовах:
італьянскай, французскай, англійскай, арабскай, армянскай і на іўрыце. Па іх можна
сачыць за Сінодам ў рэальным часе па тэкстах; будуць таксама змяшчацца аўдыё- і відэаматэрыялы.
Старонка даступная ў інтэрнэт-сайце "Радыё Ватыкан": www.radiovaticana.org
Арцыбіскуп
выказаў задавальненне, што ўсе краіны Блізкага Ўсходу падпісалі Статут ААН па правах
чалавека, сярод якіх ёсць і права на свабоду веравызнання, свабоду сумлення. Гэта
натуральны закон, які распаўсюджваецца на ўсіх, па-за канцэпцыяй культурнага, рэлігійнага
або іншага адчужэння. Сінод пачнецца ў нядзелю ўрачыстаю Боскаю Літургіяй, якую ў
базіліцы Святога Пятра ў Ватыкане ўзначаліць Папа Бенедыкт ХVI.