Çmimi Nobel për Paqen 2010 iu dha disidentit kinez Liu Xiaobo, Pekini proteston
Komiteti i Nobelit në kryeqytetin norvegjez Oslo shpalli sot fitues të çmimit Nobel
për Paqe për vitin 2010 disidentin kinez Liu Xiaobo, i cili gjendet aktualisht në
burg. Kina zyrtare ka kundërshtuar Komitetin e Nobelit për dhënien e çmimit për
paqe në vlerë prej 1.5 milionë dollarësh Liu Xiaobos. Me rastin e dhënies së çmimit,
përfaqësuesi i Komitetit të Nobelit i kërkoi Kinës që bashkë me zhvillimin ekonomik
të fillojë të respektojë dhe të drejtat e njeriut. Statusi i ri i Kinës si fuqi ekonomike
duhet të shkojë në përputhje dhe me të drejtat e njeriut në mënyrë që banorët e Kinës
duhet t’i gëzojnë ato. Xiaobo prej 20 vitesh është i angazhuar për të drejtat e njeriut
në Kinë. Ai qe pjesëmarrës në protestat në sheshin Tianmen e nismëtar i Kartës 08. Kujtojmë
se vitin e kaluar çmimin e morri presidenti amerikan Barak Obama.