6 ഒക്ടോബര് 2010 മെത്രാന്മാരുടെ സിനഡിന്റെ മദ്ധ്യപൂര്വ്വദേശത്തിനുവേണ്ടിയുള്ള
സമ്മേളനത്തില് മുസ്ലീം-യഹൂദ മതനേതാക്കള് പ്രഭാഷണം നടത്തും. ബനഡിക്ട് 16-ാമന് മാര്പാപ്പ
വിളിച്ചുകൂട്ടുന്ന സിനഡ് സമ്മേളനത്തില് പങ്കെടുക്കുന്ന 200 മെത്രാന്മാര്ക്കും, 36 വിദഗ്ദ്ധര്ക്കും
34 നിരീക്ഷകര്ക്കും പുറമേ, 2 മുസ്ലീം-യഹൂദ മതനേതാക്കള് സമ്മേളനത്തെ അഭിസംബോധന ചെയ്യും.
ഇറാനില്നിന്നുള്ള ക്രൈസ്തവ-ഇസ്ലാം സംവാദിത സംഘത്തിലെ അംഗം, സെയ്ദ് മുസ്തഫാ സമ്മാക്ക്,
അമേരിക്കയില്നിന്നുമുള്ള യഹൂദമത സംവാദങ്ങള്ക്കായുള്ള അന്തര്ദേശിയ കമ്മറ്റിയുടെ ഡയറക്ടര്,
ഡേവിഡ് റോസെന് എന്നിവരാണ് വത്തിക്കാനില് ഒക്ടോബര് 10-ാം തിയതി ഞായറാഴ്ച ആരംഭിക്കുന്ന
സിനഡ് സമ്മേളനത്തില് പങ്കെടുക്കുന്ന മുസ്ലീം-യഹൂദ മതനേതാക്കള്. ഒക്ടോബര് 24-ന് സമാപിക്കുന്ന
സിനഡ് സമ്മേളനത്തിന്റെ മുഖ്യപ്രമേയം, മദ്ധ്യപൂര്വ്വദേശത്തെ കത്തോലിക്കാ സഭയുടെ കൂട്ടായ്മയും
സാക്ഷൃവും എന്നതായിരിക്കും.