Kosovë: kontributi i Kishës katolike në fushën e arsimit
Kisha katolike e Kosovës krahas misionit të saj ungjillor e shpirtëror, ofron edhe
një kontribut të çmueshëm në fushën e arsimit. Përmes tri shkollave: ‘qendra sociale
don Bosko’ në Prishtinë,‘gjimnazit Loloja’ në Prizren e
‘shkollës Gjon Nikollë Kazazi ‘në Gjakovë, Kisha katolike e Kosovës
u ofron të rinjve pa dallim feje dhe etnie mundësinë e formimit të tyre arsimor, njerëzor,
kulturor e shpirtëror. Mbi vlerësimin që këto shkolla gëzojnë nga qytetarët e
vendit, tregon edhe vet numri i madh nxënësish që kërkojnë të regjistrohen në këto
qendra shkollore. Detyra e edukimit të brezit të ri është pjesë përbërëse e misionit
të Kishës për shpalljen e Lajmit të Mirë të Ungjillit. Në radhë të parë e mbi
çdo gjë, një institucion edukativ katolik është vend në të cilin nxënësit takohen
me të afërmin në mënyrë vëllazërore dhe me Zotin e gjallë. Misioni primar i Kishës
– ungjillëzimi – për të cilin institucionet edukative luajnë një rol të rëndësishëm,
përkon me aspiratën themelore të kombit për të zhvilluar një shoqëri me të vërtetë
të denjë ta gëzojë dinjitetin e njeriut. Shkollat katolike kanë për detyrë të sigurojnë
edukimin e gjithanshëm të një numri sa më të madh të rinjsh, për t’i përgatitur për
profesionin dhe jetën publike. Po më hollësisht nga Prishtina të dëgjojmë shërbimin
e Rabie Ibrajt.........