Sot e diel 3 tetor, Kisha kremton të dielën e 27-të gjatë vitit liturgjik,
e po sot kalendari kishtar përkujton edhe shën Kandiden, martire. Liturgjia e festës
së Shën Kandidës martire, na nxit të meditojmë për detyrën tonë si të krishterë në
ndërtimin e mbretërisë së Hyjit. Është thirrje themelore, që Jezusi na e përsërit
çdo çast, duke na kujtuar se kjo thirrje duhet të na nxisë t’i duam të tjerët e jo
ta ndjejmë veten më të mirë se ata.
Të hënën më 4 tetor, kalendari
kishtar përkujton festën e Shën Françeskut të Asizit, themeluesit të Urdhrit Françeskan.
Festa e Shën Françeskut na kujton se vizioni optimist i Varfanjakut të Asizit për
gjithësinë duhet parë si shembull e nxitje edhe në ditët tona, sepse i kundërvihet
konceptimit aktual, që duke e parë botën me syrin e fitimit, përpiqet të na bindë
se sendet e njerëzit vlejnë vetëm atëherë kur na shërbejnë.
Të martën e
ardhshme më 5 tetor bie e festa liturgjike e Shën Plaçidit e Maurit, nxënës të
Shën Benediktit; Shën Galës, vejushë romake dhe e Shën Marisë Faustina Kovalska, virgjër.
Liturgjia e kësaj dite na kujton se çdo besimtar duhet të përpiqet për ta përhapur
mbretërinë e Hyjit kudo. Pikërisht për këtë, pasi i nisi dymbëdhjetë apostujt, Jezusi
dërgoi edhe 75 të tjerë, sepse të korrat ishin të begata.
Të mërkurën që
vjen më 6 tetor, kalendari Kishtar do të përkujtojë Shën Brunon nga Kalabria,
meshtar, themelues i Çertozinëve. Festa e tij na mëson se nuk është njëlloj ta pranosh
ose të mos e pranosh Jezusin. Në se pranojmë se Krishti është jeta, mospranimi i tij
ka si pasojë përjashtimin nga lumturia e përjetshme hyjnore, që do të thotë vdekjen.
Feja na mundëson të shohim me sytë e Zotit e t’ia arrijmë cakut të vërtetë të ekzistencës.
Të
enjten më 7 tetor bie festa e Zojës Rruzare, e cila na frymëzon lutjen e bukur:
“O Mari, Ti që vë ndër duart tona Rruzaren shenjte, na mëso që, duke e thënë këtë
uratë të bukur të ulur në shkollën tënde, të bëhemi kundrues të vërtetë të Krishtit
Shëlbues”. Po më 7 tetorpërkujtohen edhe shenjtorët Sergji
e Baku, martirë, shumë të nderuar nga populli shqiptar, të cilëve u kushtohet
edhe një nga kishat më të lashta në Shqipëri. Kisha ndodhet vetëm 40 minuta larg qytetit
të Shkodrës, pranë fshatit Shirq, ku lumi Drin bashkohet me Bunën. Muret e saj kanë
nisur të ngrihen në shekullin VI për nderim ndaj dy martirëve, emrat e të cilëve në
shqip morën trajtat Shën Shirqi e Shën Bahti.
Të premten më 8 tetor,
kalendari Kishtar prkujton shën Pelagenën virgjër e martire. Liturgjia e kësaj dite
na kujton se Zoti është e vetmja e mirë e njeriut e se Jezusi na drejton ftesën: ‘Mësoni
nga unë, që jam zemërbutë e i përvujtë”. Të shtunën që vjen më 9 tetor,
bie përkujtimi i Shën Dionisit e shokëve të tij, martirë; të Shën Leonardit, meshtar,
themelues i Klerikëve rregulltarë të Nënës së Zotit, dhe të Shën Abrahamit, patriark.
Duke i përkujtuar këta shenjtorë, na lind pyetja më e rëndësishme që duhet t’ia drejtojë
vetes çdo njeri: “Ç’duhet të bëj për të fituar jetën e pasosur?”. Përgjigja është
: “Të duash Zotin e të afërmin, ashtu si na e kujton Benedikti XVI në Enciklikën “Zoti
është dashuri”.
Të dielën e ardhshme më 10 tetor, Kisha do të kremtojë
të dielën e 28-tëgjatë vitit e më 10 tetor kalendari përkujton edhe Shën Danielin
e shokët e tij, martirët e parë françeskanë dhe Shën Françesk Borgja. Liturgjia na
fton të reflektojmë për mbretërinë e Zotit, që është e e fshehur në histori: vetëm
feja dhe shpresa e krishterë u krijojnë besimtarëve mundësinë ta dallojnë e t’i shërbejnë,
me bindjen se forca e fshehur e Shpirtit Shenjt do ta bëjë këtë mbretëri të dukshme
në kohë e do ta shndërrojë mbarë botën,