Малітоўная ініцыятыва Папы за жыццё ненароджаных на пачатак касцёльнага году
Традыцыйна Святы Айцец
пачне сёлетні Адвэнт нешпарамі ў Бызыліцы Святога Пятра.
На гэты раз першыя
нешпары Адвэнту, у суботу 27 лістапада, стануць часткай малітоўнага чування ў інтэнцыі
зачатага жыцця. Гэта адпавядае тэматыке Адвэнту і Божага Нараджэння,- сказаў ксёндз
Фэдэрыко Ламбардзі, кіраўнік прэс-бюро Апостальскай Сталіцы. Ён паведаміў аб лісце,
які кардынал Антоніо Канісарэс, прэфект Кангрэгацыі Божага Культу і Дысцыпліны Сакрамэнтаў
і кардынал Энніо Антанэлі, які ўзначальвае Папскую раду па справах сям’і, накіравалі
праз Апостальскіх Нунцыяў да старшыняў Епіскапатаў Еўропы. Яны заклікаюць біскупаў
узняць у мясцовых Касцёлах аналагічныя ініцыятывы ў суботні вечар, які пачне Адвэнт
і новы літургічны год. Духоўна спалучаючыся са Святым Айцом яны, такім чынам, падтрымаюць
свой удзел у ініцыятывах Папы і засведчаць адданасць на карысць цывілізацыі жыцця
і любові.