Thirrje e Papës për krizën në Nigeri e Haiti, në fund të audiencës së përgjithshme
Shumë i ndjerë, çasti pas katekizmit, me Papën që foli për dy tragjedi të jashtëzakonshme
humanitare të vitit 2010. Më e vona, që u përmend nga Papa në anglisht, është ajo
e Nigerisë, ku, tha Benedikti XVI: “Rreth 2 milion
njerëz janë detyruar të ikin nga shtëpitë për shkak të përmbytjeve të mëdha. Të gjithë
të dëmtuarve u shpreh afërsinë time shpirtërore dhe u siguroj lutjen personale”. Në
gjuhën franceze, Papa iu drejtua një grupi të vogël haitianësh, të pranishëm në sheshin
e Shën Pjetrit, duke bërë thirrje për impenjimin ndërkombëtar në zgjidhjen e problemeve,
që shkaktoi tërmeti katastrofik i fillimit të vitit. Më pas, Ati i Shenjtë kujtoi
përvjetorin e vdekjes së Papës Gjon Pali I, që binte dje dhe festën e sotme të Kryeengjëjve
Mikel, Gabriel e Rafael. Ata, tha Benedikti XVI në fund, na nxisin të mendojmë për
kujdesin providencial të Zotit, i cili merret me çdo njeri veç e veç.