Паўднёвая Асеція: расійска-грузінскі праваслаўны канфлікт
Патрыярх Маскоўскі
і Усяе Русі Кірыл накіраваў пажаданні народу Паўднёвай Асеціі з нагоды 20 гадавіны
незалежнасці, што выклікала спрэчкі ўнутры праваслаўных гэтага рэгіёну. Патрыярх Грузіі
Ільля ІІ накіраваў адмысловы ліст у сувязі з гэтым інцыдэнтам кіраўніку Рускай Праваслаўнай
Царквы.
“У мас-медыя з’явілася інфармацыя пра Ваш ліст з пажаданнямі кіраўніку
незаконна абвешчанай Паўднёвай Асеціі ў сувязі з дваццатай гадавінай так заванай “незалежнасці”.
Гэта выклікала вельмі негатыўную рэакцыю сярод вернікаў і грамадства Грузіі. Вельмі
смутны і цалкам незразумелы Ваш крок, якім прызнаеце ўстаноўлены ў выніку гвалту сепаратысцкі
рэжым, на землях, якія ад стагоддзяў належалі Грузіі, што прызнае ўвесь свет”,- напісаў
Маскоўскаму Патрыяхру Ільля ІІ.
Патрыярх Грузіі нагадаў Кіраўніку Рускай Праваслаўнай
Царквы сваю турботу аб захаванні кананічных межаў Грузіі і Грузінскай Праваслаўнай
Царквы. З вялікім здзіўленнем і смуткам быў прыняты ў Тбілісі ліст Патрыярха Кірыла
да ўладаў Паўднёвай Асеціі. Патрыярх Ільля ІІ дадаў, што “Царква не падпарадкоўвацца
палітыкам і палітычным працэсам. Мы спадзяемся, што ў будучыні Вы, як некалі, станеце
на баку справядлівасці, што будзе спрыяць развіццю добрасуседскіх адносін паміж нашымі
краінамі”.