Nisma në Romë me rastin e Sinodit për Lindjen e Mesme
Njëkohësisht me Asamblenë e Veçantë për Lindjen e Mesme të Sinodit të ipeshkvijve,
që do të mbahet nga 10 deri më 25 tetor në Vatikan, do të hapet në Romë, në Sallën
Piu X të rrugës Konçiliacione, një ekspozitë multimediale, me titull “Vështrim mbi
të krishterët e Lindjes së Mesme”. Pasditeve, pikërisht në këtë sallë do të ketë takime
me etërit sinodalë, me shkrimtarë, gazetarë dhe ekspertë të tjerë. Objektivi i këtyre
konferencave është reflektimi mbi problemet e të krishterëve e të katolikëve në veçanti,
në Lindjen e Mesme. Më 10 tetor, ekspozita do të përurohet në praninë e sekretarit
të përgjithshëm për Sinodin e Ipeshkvijve, imzot Nikola Eteroviç, të Patrikut të Jeruzalemit,
Fuad Tval, të rojtarit të Tokës Shenjte, fra Pierbatista Picabala e personalitete
të tjera të Vatikanit. Pas relacioneve do të projektohet dokumentari i prodhuar nga
Qendra Televizive e Vatikanit, “Benedikti XVI shtegtar në Tokën Shenjte”.