Mbretëri e Bashkuar. I ngarkuari me punë i kryeministrit Kameron: “Vizita e Papës
qe një sukses i madh”.
(28.09.2010 RV)“Një vizitë që do të mbesë në kujtesë, mesazhet dhe mësimet
e së cilës do të tingëllojnë për vite me radhë.” Kështu u shpreh mbi shtegtimin e
Papës Racinger në Britani të Madhe, i ngarkuari me punë i kryeministrit britanik Kameron,
Kristofer Paten, cituar nga agjencia e lajmeve Zenit. Papa Benedikti XVI u përshendet
gjatë shtegtimit të tij nga turma katolikësh dhe jokatolikësh, të rinj e të moshuar,
të çdo race e shtrese shoqërore qoftë në Edimburg, në Skoci, qoftë përgjatë zonës
Mall, në Londër, ndërsa po drejtohej për mbrëmësoren në Hajd Park. “Kemi një traditë
tolerance dhe moderimi e cila e pranon rolin e fesë në jetën publike. Papës i bëri
padyshim përshtypje kur pa se trashëgimia e krishterë është ende e gjallë në çdo shtresë
të shoqërisë britanike.” - u shpreh Lordi Paten. Përveç kësaj, Lordi Paten citoi
edhe fjalimin e Atit të Shenjtë në Uestminster holl, i sigurtë se do të ndikojë fuqishëm
në debatin publik edhe për shumë vite të tjera. Në një varg fjalimesh e homelishë,
Papa Benedikti XVI po na propozon të gjithë neve të marrin në shqyrtim marrëdhëniet
ndërmjet arsyes dhe fesë dhe rëndësinë që ka themelimi i një baze etike për veprimin
politik”.