Ватыкан: стаў вядомы час правядзення VII Сусветнай cустрэчы cем’яў
Абвешчаны тэрмін і
дэвіз VII Сусветнай сустрэчы сем’яў. Яна будзе праходзіць 30 мая — 1 чэрвеня 2012
г. у італьянскім Мілане. Тэма сустрэчы будзе гучаць так: «Сям’я, праца і свята».
Сусветныя
сустрэчы сем’яў з’яўляюцца адной з асноўных душпастырскіх ініцыятыў Яна Паўла ІІ.
Яго ідэю працягвае Бэнэдыкт ХVI. Упершыню гэтае мерапрыемства адбылося 8–9 кастрычніка
1994 г. у Рыме. Тады Каталіцкі Касцёл перажываў Год сям’і, які з’яўляўся своеасаблівым
укладам католікаў да Міжнароднага года сям’і, абвешчанага ААН. Чарговыя сустрэчы праходзілі
ў Рыо-дэ-Жанейра (2–6 кастрычніка 1997 г.), у Рыме (11–15 кастрычніка 2000 г.), у
Маніле на Філіпінах (22–26 студзеня 2003 г.); у іспанскай Валенсіі (1–9 ліпеня 2006
г.) і ў Мехіка (14–18 студзеня 2009 г.).