«Мір = будучыня. Простая матэматыка». Сёння адзначаецца Міжнародны дзень міру
Штогод Міжнародны
дзень міру адзначаецца 21 верасня. «Спыніць агонь і гвалт, рабіць паўсюдныя намаганні
дзеля завяршэння канфліктаў, навядзення мастоў паміж рознымі культурамі і развіцця
талерантнасці», — такою бачыць сваю ролю ў свеце ААН.
Сёлета Генеральны сакратар
Пан Гі Мун заклікаў асабліва моладзь выступіць у абарону супакою, заахвоціўшы маладых
людзей з усяго свету дзяліцца праз СМІ сваімі гісторыямі аб тым, што яны робяць у
імя міру.
У гэтым годзе Міжнародны дзень міру супаў па часе з Самітам, прысвечаным
мэтам развіцця тысячагоддзя, для ўдзелу ў якім ў Нью-Ёрку сабраліся сусветныя лідэры.
Пяць
гадоў аддзяляюць чалавецтва ад 2015 года — тэрміну, да якога запланавана дасягненне
Мэтаў развіцця, прынятых на Саміце тысячагоддзя ААН у 2000 годзе і накіраваных на
скарачэнне беднасці, голаду, хвароб, мацярынскай і дзіцячай смяротнасці.
Генеральная
Асамблея ААН абвясціла: 2010 — Міжнародны год моладзі: дыялог і ўзаемаразуменне. Усё
гэта дзеля таго, каб спрыяць ідэалам міру, павагі да правоў чалавека і салідарнасці
пакаленняў, культур, рэлігійных веравызнанняў і цывілізацый.