Kardinali Bertone në kremtimet e 140 vjetorit të Romës kryeqytet i Italisë.
Roma kryeqytet i padiskutueshëm i Shtetit italian, prestigji i të cilit është rritur
nga fakti se është edhe qendër drejt së cilës shikon e tërë Kisha katolike. Kështu
u shpreh kardinali Bertone, sekretar i Shtetit të Vatikanit në ceremoninë përkujtimore
së bashku me Presidentin italian Napolinato, pranë Porta Pia me rastin e 140 vjetorit
të Romës kryeqytet. Pikërisht si dje, më 20 shtator 1870 bersalierët hynin në
Romë e qyteti iu bashkua Mbretërisë së Italisë. Në këtë ceremoni u kujtua jo vetëm
ngjarja që e bëri historinë e Italisë, por edhe ata njerëz që pranë Porta Pia-s luftuan
e vdiqën. Kardinali Bertone vërejti se nga sakrifica e atyre që para 140 vjetësh ishin
në këtë vend, ka lindur një perspektivë e re, falë së cilës Roma është bërë kryeqytet
i Shtetit të Italisë. Kjo perspektivë u arrit e përkoi edhe në qëllimet e përbashkëta,
tha kardinali Bertone e shtoi: “Mund të konstatojmë që në respektin e anasjellët
të natyrës së tyre e të funksionit të tyre, bashkësia civile e ajo kishtare, dëshirojnë
të praktikojnë në këtë Vend një bashkëpunim të gjerë në dobi të qenies njerëzore e
për të mirën e mbarë shoqërisë”.