Учора скончыўся візіт
Бэнэдыкта XVI на Брытанскія Астравы, але ўсё больш моцным становіцца яго рэха.
Так
публіцыст выдання «La Stampa» Жан Энрыка Русконі сцвярджае «Мас-медыяльны поспех»
візіту Святога Айца. І гэта толькі адзін аспект гэтай паездкі. Па словах аўтара выдання,
«пад эмоцыямі Ратцынгера і яго „прастатой“ крыецца суровы тэолаг».
«Суровы
ў ацэнцы секулярызаванага Захаду, які не ўдаецца ацаліць, нагадваючы аб пагрозах з
боку ісламу або кажучы аб рэлігіі як сімвале адметнасці, як многія хацелі б. У яго
ж сэрцы ляжаць дактрынальныя праблемы рэлігіі», — піша Русконі. Гэтаму, дадае аўтар,
служыць і «стратэгія збліжэння з адной з „адлучаных“ Цэркваў, якія з дагматычнага
пункту гледжання яшчэ моцныя, як Англіканская Царква».
Па словах публіцыста,
англіканская «душпастырская практыка (святарства жанчын, дабравольнасць цэлібату)
і маральная дактрына (гомасексуальныя саюзы) не сустракаюць згоду з боку Рыма».
У
сваю чаргу, англіканскі біскуп Крыстофер Хіл лічыць, што візіт Бэнэдыкта XVI прынясе
карысць Вялікабрытаніі. На Яго думку ў краіне зашмат цынізму, што негатыўна адлюстроўваецца
на веры брытанцаў. Папа паспрабаваў спыніць гэту тэндэнцыю, кажучы, что сувязь паміж
верай і розумам стварае падставу грамадскага жыцця.