Խաչվերացի Տօնը Վարշաւայի մէջ։

Հայ Առաքելական Եկեղեցին 12 Սեպտեմբերին՝ նշեց Քրիստոսի Ս. Խաչի կամ Խաչվերացի տօնը, Սուրբ պատարագով, Վարշավայի Ս. Վասիլեանի եկեղեցւոյ մէջ (երկար տարիներու դադարէ ետք)։ Եկեղեցին լեցուն էր թէ Հայ Առաքելական եւ թէ Հայ Կաթողիկէ հաւատացեալներով։ Պատարագի աւարտին Հայր Սուրբը, համաձայն Հայ Եկեղեցւոյ աւանդութեան, կատարեց Խաչվերացի թափօրի արարողութիւն, որուն ընթացքին օրհնուած ռեհանը բաժանուեցաւ հաւատացեալներուն։