Պենետիկտոս ԺԶ Սրբազան Քահանայապետին Առաքելական Այցելութիւնը Մեծն Պրիտանիա:

Այցելութեան Երրորդ 0ր ։

Պենետիկտոս ԺԶ Սրբազան Քահանայապետի Մեծն Պրիտանիայ չորս օրուայ հովուական այցելութիւնը կը շարունակուի մեծ խանդավարութեամբ։

Այսօր` այցելութեան երրորդ օր. Սրբազան Քահանայապետը առաւօտեան մեկնելով Պապական Նուիրակութեան Կեդրոնէն փոխադրուեցաւ Արքեպիսկոպոսական Պալատ (City of Westminster) ուր ժամը 9- ին հանդիպում ունեցաւ Անգլիոյ Վարչապետ` Տէվիտ Ուիլլիամ Տոնալտ Գամէրունի հետ եւ ապա փոխ վարչապետ Նիգ Ուիլլիամ Բիդէր Գլէկի՝ եւ Տիկին Հարրիէդ Հարմանի՝ ընդիմութեան ղեկավարին հետ։

Ժամը 10 ին Նորին Արբութիւնը Յիսուսի Սուրբ Թանկագին Արեան Աթոռանիստ Եկեղեցւոյ մէջ, նախագահեց Սուրբ Պատարագին ։

Յետ միջօրէին՝ ժամը 17-ին Պենետիկտոս ԺԶ. այցելութիւն կատարեց Սուրբ Պետրոս՝ Հանգստեան Տան ուր նաեւ ճառ մը արտասանեց։

Մեկնելով Սուրբ Պետրոս Հանգստեան Տունէն Նորին Սրբութիւնը ուղղուեցաւ դէպի Հայտ Բարգ, ուր ժամը 18.15- ին նախագահեց Կարտինալ Ճոն Հէնրի Նիւմէնի երանացման աղօթքի հսկումին։