Ակնարկ Մը Ազգային Ու Միջազգային Դէպքերուն։ Հայկական Սփիւռքի Միասնական Համակարգի
Ստեղծման Ծրագիրը։
Նորերս Հայաստանի կառավարութեան նիստին ժամանակ հաստատուած է հայկական սփիւռքի գիտական,
կրթական, տնտեսական, մշակութային եւ այլ մարզերու մէջ առկայ ներուժի հաշուառման մեքանիզմներու
եւ տուեալներու միասնական համակարգի ստեղծման ծրագիրը։ Հայաստանի կառավարութեան մամլոյ
ծառայութիւնը կը հաղորդէ, որ սոյն ծրագիրին նպատակն է ապահովել սփիւռքի մասնակցութիւնը
հայ ժողովուրդի ազգային ինքնութեան պահպանման եւ զարգացման աշխատանքին, ինչպէս նաեւ Հայաստանի
եւ սփիւռքի համար կենսական նշանակութիւն ունեցող հիմնախնդիրներու լուծման վերաբերող հարցերուն
մէջ։