Takim mallëngjyes i Papës me disa nga viktimat e abuzimeve të anëtarëve të klerit
Sot pasdite, në nunciaturën apostolike të Londrës, Papa u takua me një grup personash,
viktima të abuzimeve seksuale nga ana e klerit. Benedikti XVI – referon në një komunikatë
Salla e Shtypit të Vatikanit – u mallëngjye duke dëgjuar historitë e viktimave dhe
shprehur dhimbje të thellë e turp për vuajtjet e tyre e të familjeve. Ati i Shenjtë
u lut me ta dhe siguroi se Kisha. Ndërsa vazhdon të marrë masa për mbrojtjen e të
rinjve, po bën ç’është e mundur për të verifikuar akuzat, për të bashkëpunuar me autoritetet
civile e për t’ia dorëzuar drejtësisë meshtarët e rregulltarët, që janë përlyer me
këto krime të rënda. Si në raste të tjera, u lut që të gjitha viktimat e abuzimeve
të shërohen shpirtërisht e të pajtohen me Zotin, të kapërcejnë ankthin e kaluar e
të tanishëm me qetësi e shpresë në të ardhmen. Më pas, Benedikti XVI u takua me një
grup profesionistësh e vullnetarësh, që merren me mbrojtjen e fëmijëve e të rinjve
në ambientet shkollore.