Benedikti XVI në Londër, në një ditë me përmasa ekumenike dhe shoqërore
(17.09.2010 RV)Dita e dytë e udhëtimit zyrtar të Papës Benedikti XVI në Mbretërinë
e Bashkuar, gjatë së cilës Ati i Shenjtë ka një aktivitet të dendur, në kryeqytetin
anglez, Londër. Spikat takimi i shumëpritur me shoqërinë civile, në pasditen e sotme,
dhe ai ekumenik me kryeipeshkvin e Kanterbërit Rouan Uiliams, primat i Kishës Anglikane.
Por gjatë paradites së sotme, Papa Racinger u takua edhe me botën e shkollës katolike
e me liderët e feve të tjera në Kolegjin e Universitetit të Shën Marisë, në lagjen
Tuikenhem të Londrës. Ati i Shenjtë e përfundon ditën e sotme me lutjen e Mbrëmësoreve
në Abacinë e Uestminsterit, në një atmosferë ekumenike me përfaqësuesit e Kishës Anglikane.
Për t’u shënuar, arrestimi i gjashtë ekstremistëve islamikë, pikërisht në zonën e
Uestminsterit, ku Papa shkoi pasdite. Zëdhënësi i Vatikanit, atë Federiko Lombardi
lajmëroi se programi i Benediktit XVI nuk do të ndryshojë.