Madhëria e Saj, Elizabeta II është vajza e madhe e mbretit Xhorxhi VI dhe e mbretëreshës
Elizabeta. Ka lindur në vitin 1926. Ka studiuar histori kushtetuese, jurisprudencë,
histori arti dhe muzikë, ka përsosur gjuhën frënge, të cilën e përdor zakonisht në
bisedimet me Trupin Diplomatik. Është martuar më 20 nëntor 1947 në Abacinë e Uestminsterit
me tenentin Filip Mauntbaten, pasardhës i mbretëreshës Viktoria. Në moshën 25
vjeçare, u kurorëzua mbretëreshë nga kryeipeshkvi anglikan i Kanterburit në Abacinë
e Uestminsterit, duke u bërë kështu mbretëreshë dhe kryetare e shtetit të Mbretërisë
së Bashkuar, kryetare e shtetit e 15 mbretërive të Komonuelthit dhe kryetare e Organizatës,
që përfshin 53 shtete. Madhëria e Saj është Guvernatore e Lartë e Kishës së Anglisë
(anglikane) dhe ka një raport të veçantë e unik me Kishën e Skocisë, e cila është
e pavarur (gjithnjë protestante). Mbretëresha Elizabeta II dhe bashkëshorti i saj,
princi Filip, Dukë i Edinburgut kanë katër fëmijë dhe 8 nipa e mbesa.