Parisi kremon 100 vjetorin e lindjes të së Lumes Nënë Terezë. Imzot Frendo: çka
mbetët nga kjo figurë madhore? Dashuria e shenjtërimi
Kryedioqeza e kryeqytetit të Francës, Paris, kremtoi sot 100 vjetorin e lindjes të
së Lumes Nënë Terezë, Gonxhe Bojaxhiu, me kremtimin e Meshës së Shenjtë, të cilën
e kryesoi kardinali André Vingt-Trois, në katedralen e Notre-Dame, në ora 18.00 me
pjesëmarrje të Misionareve të Dashurisë e një numri të madh besimtarësh.
E
siç dimë, në muajin gusht e pikërisht më 26 gusht, në mbarë botën është shënuar e
kremtuar jubileu i 100 vjetori të lindjes të së Lumes Nënë Terezë. Ndërsa më datën
5 shtator, është kremtuar festa e saj liturgjike, që përkon edhe me datën kalimit
të saj në amshim. Kremtime solemne e të madje edhe madhështore janë shënuar sidomos
në Indi e posaçërisht në qytetin e Kalkutës, dhe në trevat shqiptare. Kështu veçojmë
kremtimin e Kishës katolike të Shqipërisë në Katedralen e Vaut-Dejës e atë të Kishës
katolike në Katedralen në ndërtim e sipër në Prishtinë, pa harruar programet tjera
përkujtimore organizuar nga Shtetet e qeverisë në Tiranë, Prishtinë e gjetiu. Po
pas gjithë asaj që është bërë, që është thënë, çka mbetët nga kjo figurë madhore
dhe e shenjtë që është e Lumja Nënë Terezë? Mbi këtë argumentet folëm me ipeshkvin
ndihmës të Tiranë-Durrësit imzot Gjergj Frendon, ta dëgjojmë opinionin e tij në k
mikrofonin e Radio Vatikanit.....