Shkodër: më 20 shtator fillon vitin e ri shkollor i gjimnazit “Atë Pjetër Meshkalla”
Krahas shkollave publike e private, që ekzistojnë në Shqipëri, edhe Kisha katolike
drejton disa shkolla të niveleve të ndryshme, të cilat janë në shërbim të të gjithë
fëmijëve e nxënësve, pa dallim, duke ofruar kështu një formim dhe edukim sa më të
mirë e të përshtatshëm për jetën e tyre.
Ndër shkollat më të njohura e të
rëndësishme që Kisha katolike ka në Shqipëri, është shkolla “Atë Pjetër Meshkalla”
e cila është hapur pas rënies së diktaturës komuniste dhe drejtohet nga Etërit Jezuitë.
Kjo shkollë ende nuk e ka filluar vitin e ri shkollor, që do ta fillojë më datën 20
shtator. Mbi arsyet e kësaj shtyrje, organigramën e saj dhe rolin e Kishës katolike
në fushën e arsimit e të kulturës, të dëgjojmë drejtorin e ri të shkollës “Atë
Pjetër Meshkalla”, rregulltarin jezuit, Atë Lello Lanzilli.......