Թրքական ՝՝Պէյազ.կազեթէ՝՝ կայքէջը կը հաղորդէ, որ Վանի առեւտրական-արդիւնաբերական պալատի
նախագահ Զահիր Քանտաշօղլու յայտարարած է, որ Աղթամարի Սուրբ Խաչ Եկեղեցւոյ վրայ մինչեւ
պատարագը պէտք է Խաչ տեղադրել։
Զահիր Քանտաշողլու աւելցուցած է, որ պատարագին չմասնակցելու հայ հոգեւորականներու որոշումը
շատ ճիշդ է։ Կը խոստանանք, սակայն մեր խոստումը չենք կատարեր։ Ատիկա սխալ է։ Պէտք է
անյապաղ տեղադրել խաչը։ Խնդիրը պէտք է լուծէ մշակոյթի եւ զբօսաշրջութեան նախարարը։ Նախարարին
նամակ պիտի գրեմ եւ հարցի քննարկման համար հասարակական կազմակերպութիւններուն եւ Վանի
երեսփոխաններուն մասնակցութեամբ նիստ պիտի հրաւիրեմ(ըսած է Քանտաշօղլու)։