Papa: gratë japin kontribut të çmueshëm teologjisë e Kishës.
Kisha, sot tha Papa gjatë katekizmit të audiencës së përgjithshme, ka nevojë për “gra
të shenjta e guximtare si Hildegarda nga Bingeni që, duke i vlerësuar dhuratat që
kanë marra prej Zotit, japin kontributin e tyre të çmuar për rritjen shpirtërore të
bashkësive tona e për Kishën e kohës sonë”. Shën Hildegarda, kujtoi Papa, ka kundërshtuar
lëvizjen e katarëve gjermanë, që “pretendonin të bënin një reformë rrënjësore në Kishës,
për të luftuar sidomos shpërdorimet që bëheshin nga ana e klerit”. E shën Hildegarda
i qortonte në mënyrë të ashpër duke u bërë me dije se në këtë mënyrë ata donin ta
përbysnin vet natyrën e Kishës, dhe u përkujtonte se përtëritja e bashkësisë kishtare
nuk arrihet aq me ndryshimin e strukturave, sa me shpirtin e sinqertë të pendesës,
lutjes e përmes udhës së kthimit të vërtet” te Zoti. “ Këtë mesazh - shtoi Papa
Racinger në katekizmin e audiencës së përgjithshme - nuk duhet ta harrojmë kurrë”,
sepse përtëritja e vërtetë e Kishës arrihet me lutje e pendesë e jo me ndryshimin
e strukturave.E po të shikojnë realitetin e sotë, vërejmë që qytetërimi modern është
më i angazhuar në rafinimin e veseve, se sa të kultivoj e përsor virytet.