8 верасня адзначаецца Міжнародны дзень пісьменнасці
З нагоды Міжнароднага
дня пісьменнасці ў Парыжы 8 верасня пройдзе шэраг маніфестацый. Сярод асноўных —
пачатак акцыі па распаўсюджванні камп’ютарнай пісьменнасці. У гэты дзень таксама адбудзецца
ўручэнне штогадовай прэміі ЮНЕСКА за распаўсюджванне пісьменнасці 2010 года і пройдзе
пасяджэнне круглага стала па праблемах распаўсюджвання пісьменнасці і пашырэння правоў
і магчымасцяў жанчын.
Пасля цырымоніі ўзнагароджання адбудзецца адкрыццё Сеткі
па абмене ведамі і інавацыямі ў галіне ліквідацыі непісьменнасці (ЗІРГ). Яна стваралася
пры падтрымцы Фонду Верызон і кампаніі Майкрасофт як віртуальная пляцоўка для кантактаў
паміж даследчыкамі і выкладчыкамі ў галіне ліквідацыі непісьменнасці з мэтай абмену
вопытам і абмеркавання ў Інтэрнэце надзённых праблем. Сетка пачне дзейнічаць 1 лістапада
2010 г.
Тэма сёлетняга Дня — «Пісьменнасць і самастойнасць жанчын» — адпавядае
агульнаму напрамку дзесяцігоддзя (2003–2012гг.), прынятаму ААН па тэме павышэння аўтаномнасці
жанчыны ў розных краінах свету, што з’яўляецца таксама сёлетнім прыярытэтам ЮНЭСКА.
Генеральны
сакратар ААН спадар Гі Мун скіраваў з гэтай нагоды пасланне, у якім кажа: «Ёсць усе
падставы сцвярджаць, што інвеставанне ў пісьменнасць жанчын дае значныя дывідэнды
з пункту гледжання развіцця. (...) Кожная адукаваная жанчына сімвалізуе перамогу над
галечай. У Міжнародны дзень распаўсюджвання пісьменнасці я настойліва заклікаю ўрады,
донараў, няўрадавыя арганізацыі і ўсіх партнёраў па развіцці паўсюдна даць жанчынам
магчымасць авалодаць пісьменнасцю. (...) Міжнародныя прэміі за заслугі ў галіне распаўсюджвання
пісьменнасці Арганізацыя Аб’яднаных Нацый па пытаннях адукацыі, навукі і культуры
(ЮНЕСКА) прысуджае сёння праграмам у Егіпце, Германіі, Капа-Вэрдэ і Непале». Даведка:
з 796-ці мільёнаў непісьменных дарослых у свеце жанчыны прадстаўляюць дзве трэція.
76 мільёнаў дзяцей школьнага ўзросту пазбаўлены магчымасці вучыцца.