Պենետիկտոս ԺԶ. Սրբազան Քահանայապետին Գործունէութիւնը ։

Այսօր երկուշաբթի 6 սեպտեմբեր 2010, Սրբազան Քահանայապետը ժամը 11-ին Գասթել Կանտոլֆոյի ամառնային պալատին մէջ ընդունեց Պրազիլի Եպիսկոպոսական Դասի վեց եպիսկոպոսներ եկած՝ կատարելու հնգամեայ կանոնական այցելութիւնը Սուրբ Պետրոսի յաջորդին։



Յորդանանի Եւ Իրաքի Պապական Նուիրակի Նոր Անուանում:

Պենետիկտոս ԺԶ Սրբազան Քահանայապետը, 4 սեպտեմբեր 2010 ին, Գերապայծառ Ճորճօ Լինկուա-ն անուանեց Յորդանանի եւ Իրաքի պապական նոր նուիրակ, անոր նաեւ շնորհելով Արքեպիսկոպոսի տիտղոսը։

Գերապայծառ Լինկուա-ն մինջեւ օրս սոյն դեսպանութեան խորհրդատուն էր։

Ան ծնած է Իտալիոյ Գունէօ քաղաքը 23 մարտ 1960 ին, կուսակրօն քահանայ ձեռնադրուած՝ 1984 - ին ։ Եկեղեցական Կանոնագրութեան Համալսարանական տիտղոսը ստացած՝եւ 1992 էն ի վեր Սուրբ Աթոռի դիւանագիտական ծիրէն ներս պաշտօնավարած է։