Айцец Бруна Кадорэ стаў новым генералам дамініканаў
Айцец Бруна Кадорэ
стаў 86-ым наступнікам святога Дамініка. Новы генерал дамініканаў быў абраны 5 верасня
290-й Генеральнай Капітулай ордэна.
Бруна Кадорэ нарадзіўся 14 красавіка 1954
г. у Ле Кросэ. У Ордэн братоў Прапаведнікаў уступіў пасля заканчэння медыцынскага
факультэта. Першыя шлюбы склаў 28 верасня 1980 г. У 1992 годзе атрымаў доктарскую
ступень у галіне маральнай тэалогіі.
Сярод найважнейшых задач новага генерала
дамініканаў падрыхтоўка да юбілею 800-годдзя зацвярджэння ордэна Апостальскай Сталіцай,
а таксама супрацьстаянне выклікам, якія ХХІ стагоддзе ставіць перад жыццём кансэкраваных
асоб: небяспека індывідуалізму, пагрозы, звязаныя з рэлятывізмам, і інш.