Etërit Domenikanë bashkëpunëtorë të ngushtë të Gjergj Kastriotit Skënderbeut, rrëfyestarë
e udhëheqës të tij shpirtëror
At Bruno Cadoré zgjidhet Mjeshtër i ri i Urdhrit të Domenikanëve. Të pranishëm në
Shqipëri që më 1240, Domenikanët qenë bashkëpunëtorë të ngushtë të Gjergj Kastriotit. Të
dielën, më 5 shtator, Fretërit e Urdhrit të Predikatarëve, të mbledhur në Kapitullin
e Përgjithshëm, kanë zgjedhur eprorin e tyre të ri, Mjeshtrin e Urdhrit në personin
e At Bruno Cadoré. Kjo ditë e rëndësishme qe përgatitur me një lutje intensive
të përbashkët e personale. Për tërë javën që kaloi, grupet e ndryshme gjuhësore të
përbërë nga etërit pjesëmarrës të Kapitullit të Përgjithshëm, janë ballafaquar mbi
identifikimin e tipareve apo identikitin e Eprorit të ri të mundshëm, që të jetë sa
më shumë në përkim me situatën aktuale të Urdhrit të Domenikanëve e sidomos me sfidat
që bota e Kisha paraqesin e presin nga Etërit Domenikanë. Pas bashkëkremtimit solemn
të Eukaristisë “de Spiritu Sancto”, kryesuar nga at Timothy Radcliffe, që parapriju
Mësuesin e Përgjithshëm të deritanishëm at Carlos Aspiroz Costa, në udhëheqje të Urdhrit,
fretërit pjesëmarrës të Kapitullit të Përgjithshëm me të drejtë vote, janë mbyllur
në sallën plenare. Në mesditë portat e sallës u hapen e sekretari i Kapitullit
komunikoi që kandidati i zgjedhur me shumicë votash ka pranuar detyrën. Pasardhësi
i 86-të i shën Dominikut Guzman është At Bruno Cadorè. Eprori i ri i Përgjithshëm
i Domenikanëve, atë Cadoré është mjek e profesor i etikës mjekësore. Aktualisht është
Prior (Epror) provincial i Provincës së Francës e president i turnit të Eprorëve Provincial
të Evropës (IEOP). Pas dreke, i mbarë Kapitulli kaloi nga Instituti Salesianum,
ku zhvillohen punimet, në bazilikën romake të Shën Sabinës, seli e Kuries së Urdhrit
të Domenikanëve, për të kremtuar Mbrëmësoren e lutjeve solemne të falënderimit drejtuar
Zotit.
Sot punimet e Kapitullit të Përgjithshëm kanë vijuar punimet me takimet
e komisioneve, që kanë për detyrë të përgatisin dokumentet që do të diskutohen e votohen
nga asambleja. Në rend të ditës janë: studimi rreth predikimit, që është edhe karizma
specifike e Domenikanëve; formimi intelektual e shpirtëror i fretërve; qeverisja e
Urdhrit dhe çështje tjera si ekonomia e të ndryshme. Punimet mbyllen më 21, me
një mirupafshim në Kapitullin e ardhshëm të Përgjithshëm në vitin 2013, selia e të
cilit do jetë objekt i vendimit të Etërve Kapitullarë.
E ne, dëgjues të nderuar
të Radio Vatikanit, mbi domethënien e Kapitullit të Përgjithshëm të Domenikanëve
dhe historinë e këtij Urdhri rregulltar në Shqipëri e ndër shqiptarë, flasim një rregulltar
domenikan të veçantë, me ipeshkvin ndihmës të Tiranë-Durrësit, imzot Gjergj Frendo. Kujtojmë
se Etërit Domenikanë erdhën në Shqipëri me kërkesë të Papës së asaj kohe, në vitin
1240 e deri te dëbimi i tyre nga turqit. Mes tjerash, Domenikanëtqenë
bashkëpunëtorë të ngushtë të Gjergj Kastriotit Skënderbeut e njëri prej tyre qe edhe
rrëfyes e atë shpirtëror i Atletit të Krishtit. Këtyre u qe besuar misioni i predikimit
të Ungjillit, formimi intelektual e shpirtëror i klerit e i besimtarëve shqiptarë,
si dhe mbrojtja e të vërtetave të doktrinës së krishterë nga herezitë e kultivimi
i vlerave shoqërore ndër popullin shqiptar. Po më tepër të dëgjojmë intervistën
me imzot Gjergj Frendo.......