ജീവതസാക്ഷൃം പ്രഥമ ശൈലിയെന്ന്
കര്‍ദ്ദിനാള്‍ തോപ്പോ
1 സെപ്തംമ്പര്‍ 2010
ജീവിതസാക്ഷൃമാണ് പ്രഥമവും പകരംവയ്ക്കാനാവാത്തതുമായ സുവിശേഷപ്രഘോഷണ രീതിയെന്ന്, കര്‍ദ്ദിനാള്‍ തെലിസ്ഫോര്‍ തോപ്പോ സോളിലെ അല്‍മായ സമ്മേളനത്തില്‍ പ്രസ്താവിച്ചു. സെപ്തംമ്പര്‍ 1-ാം തിയതി ബുധനാഴ്ച, സോളില്‍ ആരംഭിച്ച ഏഷ്യന്‍ കത്തോലിക്കാ അല്‍മായ സമ്മേളനത്തിന്‍റെ ആദ്യദിനത്തില്‍ സംസാരിക്കുകയായിരുന്നു റാഞ്ചി രൂപതാദ്ധ്യക്ഷന്‍, കര്‍ദ്ദിനാള്‍ തോപ്പോ. താന്‍ ജനിച്ചു വളര്‍ന്ന വടക്കെ ഇന്ത്യയിലെ ചോട്ടനാഗപ്പൂര്‍ ഗ്രാമത്തിന്‍റെ സുവിശേഷവത്ക്കരണ ചരിത്രം പഠന-മാതൃകയാക്കികൊണ്ടാണ് കര്‍ദ്ദിനാള്‍ ഏഷ്യയിലെ അല്‍മായ പ്രതിനിധികളോട് സംസാരിച്ചത്. പാവങ്ങളുടെ മദ്ധ്യേയുള്ള സേവനമാണ് ഏഷ്യന്‍ രാജ്യങ്ങളില്‍ ഫലപ്രദമാകുന്നതും മാതൃകയാക്കാവുന്നതുമായ സുവിശേഷവത്ക്കരണ-രീതിയെന്ന് കര്‍ദ്ദിനാള്‍ പ്രസ്താവിച്ചു. ചോട്ടനാഗപ്പൂരിലെ മിഷനറി, ഈശോ സഭാ വൈദികന്‍, കോണ്‍സ്റ്റന്‍റ് ലെവെന്‍സിന്‍റെ പ്രേഷിതപ്രവര്‍ത്തന ശൈലി ചൂണ്ടക്കാണിച്ചുകൊണ്ടാണ് കര്‍ദ്ദിനാള്‍ തോപ്പോ ഏഷ്യയില്‍ ഫലപ്രദമാകുന്ന സുവിശേഷവത്ക്കരണ ശൈലിയെക്കുരിച്ച് സമ്മേളനത്തോടു സംസാരിച്ചത്. സുവിശേഷവത്ക്കരണത്തിന് ദ്വി-മാനങ്ങളുണ്ടെന്നു പ്രസ്താവിച്ച കര്‍ദ്ദിനാള്‍,
അവയില്‍ ഒന്നാമത്, പ്രേഷിതപ്രവര്‍ത്തനത്തിന്‍റെ സജീവമേഖലയില്‍ ഒരു മിഷനറിയായിക്കൊണ്ടും, രണ്ടാമതായി ജീവിതസാക്ഷൃംകൊണ്ട് നടത്തുന്ന സുവിശേഷവത്ക്കരണവുമാണെന്ന് വ്യക്തമാക്കി. ഇതില്‍ ജീവിത സാക്ഷൃമാണ് പകരംവയ്ക്കാനാവാത്ത സുവിശേഷപ്രഘോഷണ രീതിയെന്ന് കര്‍ദ്ദിനാള്‍ തെലിസ്ഫോര്‍ തോപ്പോ സമ്മേളനത്തെ ഉദ്ബോധിപ്പിച്ചു.
| All the contents on this site are copyrighted ©. |