Պենետիկտոս ԺԶ Սրբազան Քահանայապետին Գործունէութիւնը։

Նորին Սրբութեան ցաւակցական հեռագիրը 85 ամեայ Գերապայծառ Ալպոնտոյի Մահուան առթիւ։



"Արատաձեռն" առաքեալ, "էգումենիք շարժումի ռահվիրաներէն մին եւ սուրբ գիրքի առաքեալ" ։

Սրբազան Քահանայապետի ցաւակցական հեռագիրը Վատիկանի Պետական Քարտուղարի ստորագրութեամբ արձագանգեց Լիվորնոյի Մայր Տաճարին մէջ, Գերապայծառ Ալպերթo Ալպոնտիի'' Լիվորնոյի երբեմնի եպիսկոպոսի յուղարկաւորութեան ընթացքին, որ տեղի ունեցաւ երեքշաբթի 24 Օգոստոսին։ Յուղարկաւորութեան արարողութիւնը նախագահեց ֆիրենցէի Եպիսկոպոս՝ Ճիւզեփփէ Պեթորին։



Յուղարկաւորութեան իրենց մասնակցութիւնը բերին նաեւ տարբեր կրօններու ներկայացուցիչներ, ինչպէս՜ Լիվորնոյի Հրեաներու րաբունապետ Եայիր Տիտին. ի վկայութիւն Գերապայծառ Ալպոնտոյի էգումենիք գործունէութեան։ Քրիստոնեաներու Միութեան Քահանայապետական Խորհուրդի քարտուղար՝ գերապայածառ Պրայան ֆարրել իր պատգամին մէջ, Գերապայծառ Ալպոնտոյի մասին խօսեցաւ իբրեւ ՜՜Վատիկանի Բ. Տիեզերական Ժողովի լուսամիտ մեկնաբանը՝՝։