Shqipëria kremton 100 vjetorin e lindjes të së Lumes Nënë Terezë. Mesha në Vaun e
Dejës, aktivitete përkujtimore në Tiranë.
Në Kishën Katedrale kushtuar së Lumes Nënë Terezë në Laç të Vaut të Dejës, sot shqiptarët
u mblodhën pa dallim në kremtimin e Meshës së Shenjtë në përkujtim të 100 vjetorit
të lindjes së Gonxhe Bojaxhiut. Ishte një pjesëmarrje korale gjithë shqiptare, nga
autoritetet e Kishës katolike, te Shtetit Shqiptar me kryeministrin e shqiptarët e
ardhur nga të gjitha viset brenda e jashtë Shqipërisë. Meshën solemne në Katedralen
e Nënë Terezës në Vaun e Dejës e kryesoi Nunci Apostolik në Shqipëri imzot Ingles,
i cili ishte edhe delegat papnor i Atit të Shenjtë Benediktit XVI në këtë jubile të
rëndësishëm për shqiptarët. Në Meshën e Shenjtë ishte i pranishëm i tërë episkopati
katolik i Shqipërisë, kryeipeshkvi i Tivari, i Kosovë e ipeshkvij nga Italia e Vende
tjera, meshtarë, rregulltarë, rregulltare e mijëra e mijëra besimtarë e qytetarë shqiptarë
nga të gjitha anët. Po më hollësisht mbi kremtimin e Jubileut të 100 vjetorit të
lindjes të së Lumes Nënë Terezë në Shqipëri, nga Vau i Dejës të ndjekim informacionin
e Violeta Marashit............. Pas dite vijuan
aktivitete të ndryshme përkujtimore në nderim të së Lumes Nënë Terezë në Tiranë, organizuar
nga Shteti e shoqata të ndryshme.