Лурд.Цыганы завяршаюць паломніцтва да санктуарыя З'яўленняў Найсвятой Панны Марыі
Каля 8 тысяч цыганоў і качэўнікаў у гэтыя дні знаходзяцца ў Лурдзе са штогадовым паломніцтвам
канца жніўня. Яго цэнтральнай падзеяй стала перанясенне 24 жніўня ў грот З'яў ленняў
статуі цыганскай Маці Божай. У гэты дзень біскуп Раймон Сэнт ўзначаліў Святую Імшу.
Гісторыя цыганскай Маці Божай звязаная з цудам: у канцы Другой Сусветнай вайны
адна цыганская сям'я засталася цэлай і здаровый пасля таго, як фургон, у якім яна
знаходзілася, сутыкнуўся з амерыканскім грузавіком і загарэўся..Сям'я выратавалася
і знайшла сярод сваіх рэчаў выяву Багародзіцы. Выратаваныя цыганы вырашылі аддзячыць
Божую Маці, прысвяціўшы ёй спецыяльна на заказ вырабленую майстрамі-рэзьбярамі драўляную
скульптуру. Цыганская Багародзіца трымае ў адной руцэ маленькі фургон, а ў іншай -
Дзіцятку Езуса. Статуя была асвечана ў 1965 годзе Папам Паўлам VI; яе шануюць розныя
плямёны цыганаў.