Հայազգի երաժշտահան Անտրէյ Պապայեւ ծնած
է Լեռնային Ղարաբաղի Մսմնա գիւղը (Մարտունիի շրջան) 27 Դեկտեմբեր 1923-ին։
1958-ին
եղած էր Խորհրդային Հայաստանի վաստակաւոր գործիչը։ Ան իր երաժշտական ուսումը ստացած
է Պաքուի մէջ ։
1936-էն կը նուագէր Ադըրպէճանի ձայնասփիւռի ժողովրդային գործիքներու
նուագախումբին մէջ։
1940-ին ընդունուած է Պաքուի երաժշտանոցի Ուզէիր Հաճիբէկովի
ստեղծագործական դասարանը, զոր աւարտած է 1950-ին. ապա մեկնած է Մոսկուա կատարելագործելու
մասնագիտութիւնը Մոսկուայի երաժշտական մասնագիտական բարձրագոյն հաստատութենէն ներս զոր
կը ղեկավարէր Եուրի Շապորինը։
Հայազգի Անտրէյ Պապայեւ 1941-45 մասնակցած է
Հայրենական մեծ պատերազմին։
Իր գործերէն են. ՜՜Երիտասարդութիւն՝՝ սինֆոնիք նախերգանքը
1948-ին, նոյն տարին՝ ՜՜դաշնամուրային երրեակը՝՝, 1949-ին ֆիքրէթ Ամիրովի համահեղինակութեամբ՝
դաշնամուրի համերգ ժողովրդային գործիքներու նուագախումբի ընկերակցութեամբ, 1950-ին ՜՜Լա
Մինէօր՝՝ սինֆոնիան նուիրուած՝ քարիւղի գործաւորներուն, եւ երկու շարերգութիւններ ադըրպէճանական
ժողովրդային գործիքներու նուագախումբին համար։
Գալով երգերու՝ Անտրէյ Պապայեւ
յօրինած է ՜՜Սիրելի աչքեր, Ես հանդիպեցի մի աղջկան, Կարօտում եմ քեզ՝՝ եւ այլ երգեր։
Նաեւ ունէր եղերական ներկայացումներու երաժշտութիւն կինոնկարներու համար ու ժողովրդական
երգերու մշակումներ։
Հայազգի Պապայեւի ամէնէն նշանաւոր ստեղծագործութիւնը եղած
է ՜՜Արծուաբերդ՝՝ օփերան, որ մեծ յաջողութեամբ բեմադրուած է Ալեքսանտր Ապենդիարեանի
անուան օփերայի եւ պալէի պետական ակադեմիայի թատրոնին մէջ, ան ժամանակակից թեմայով
գրուած հայկական լաւագոյն օփերաներէն մէկը եղած է , այս գլուխ գործոցը ներկայացուած
է 1964-ին Սվերդլովսկիի մէջ(Ռուսիա) եւ 1965-ին Տոնեցկի մէջ (Ուկրանիա ) 1966-ին Մուսկուայի
մէջ, կեդրոնական հեռուստատեսութեամբ, իսկ՝ 1973-ին Կազանի մէջ ։
Նշենք որ հայ
անուանի երաժշտահան Անտրէյ Պապայեւի՝ Բ. օփերան ՜՜Պաղտասար աղբար՝՝ ծաւալուն ստեղծագործութիւնը,
մնաց անաւարտ։
Հայազգի մեծ արուեստագէտը մահացած է 21 Հոկտեմբեր 1964-ին Մոսկուայի
մէջ ։