Pakistan: mbi 3 milionë fëmijë të rrezikuar të vdesin nga ndotja e ujit
Shqetësojnë lajmet që arrijnë nga Pakistani i goditur javëve të fundit nga vërshimet
e përmbytjet që kanë shkaktuar mbi 1600 të vdekur e goditur mëse 20 milionë njerëz.
Alarmi i fundit vjen nga Kombet e Bashkuara që thonë se 3.5 milionë fëmijë të Pakistanit
rrezikohen nga sëmundjet që shkaktohen nga uji i ndotur. Organizata Botërore e
Shëndetësisë është përgatitur të përballojë 140 mijë të sëmurë, në rast të shpërthimit
të epidemisë së kolerës. Zëdhënësi i Kombeve të Bashkuara, Mauricio Xhuliano, tha
se “uji dhe shëndeti” paraqesin shqetësimet më të mëdha për organizatën botërore.
Sistemi i furnizimit me ujë në Pakistan është dëmtuar rëndë nga përmbytjet. Këto të
fundit kanë prekur rreth 20 milionë njerëz dhe një të pestën e territorit të vendit.