Էջմիածինի Միաբանները Պիտի Մասնակցին Աղթամարի Եկեղեցւոյ Պատարագին
Մայր Աթոռ Սուրբ Էջմիածինի միաբաններ Մարկոս եպս. Յովհաննիսեան եւ Կոմիտաս վրդ. Յովնանեան պիտի մասնակցին Սեպտեմբեր 19ին Աղթամարի Սուրբ Խաչ եկեղեցւոյ մէջ մատուցուելիք պատարագին:
Մայր Աթոռի տեղեկատուական համակարգի պատասխանատու Վահրամ քհն. Մելիքեան ,Ազատութիւնե կայանի թղթակից Ռուզաննա Ստեփանեանին յայտնած է, որ պատարագը (առաջինը 1915էն ի վեր) պիտի մատուցուի Պոլսոյ պարտիարքական ընդհանուր փոխանորդ Արամ արք. Աթեշեանի կողմէ:
Տէր Վահրամը ,ողջամիտ ու ողջունելիե որակած է Թուրքիոյ իշխանութիւններու այս քայլը, աւելցնելով, որ Մայր Աթոռը զայն չի նկատեր իբրեւ ամբողջական քայլ:
,Մայր Աթոռ Սուրբ Էջմիածինը լիայոյս է, որ այդ որոշումը եւս ժամանակի մէջ կը վերանայուի, եւ եկեղեցին կը վերադարձուի հայ համայնքին, որը եւ լիարժէքօրէն կը գործածի այն իր նպատակային առումով, որով Սուրբ Խաչը ինչպէս Հայոց Ցեղասպանութիւնից առաջ, այնպէս էլ հիմա կը շարունակի իր ծառայութիւնը բերել մեր ժողովրդին եւ բաւարարել մեր ժողովրդի հոգեւոր կարիքներըե, յայտնած է քահանայ հայրը:
| All the contents on this site are copyrighted ©. |