Në Poloni gjithnjë në rritje dëshira për shtegtim.
(12.08.2010 RV)Shtegtimi fetar në Poloni është kthyer në një lloj kulture shoqërore,
shpirtërore. Luhatet nga 400 deri në 500 mijë numri i personave që çdo vit marrin
pjesë në shtegtime në këmbë drejt shenjtëroreve. Të dhënat janë botuar nga Instituti
i gjeografisë së fesë i Universitetit Jagellonian të Krakovit. Afërsisht gjysma e
numrit të shtegtarëve regjistrohet në shenjtëroren mariane të Jasna Gorës, në Çestokovë. Në
Poloni ka 500 shenjtërore për ku drejtohen shtegtarë të shumtë. Disa janë të reja
por gjithnjë e më popullore, si ajo e Uagievnikit, që i kushtohet Mëshrirës Hyjnore,
ose shenjtërorja mariane e Likenit. Polakët gjithashtu shkojnë me shumë dëshirë edhe
në shenjtërore të tjera jashtështetit, veçanërisht në Tokë Shenjte dhe në Santiago
të Kompostelës. Shtegtimet bëhen në këmbë, me autobus, me biçikleta e deri edhe me
kuaj. Kështu, gjithnjë sipas të dhënave të Universtitetit Jagellonian janë 7-8 milionë
polakët që çdo vit shkojnë në shtegtim në një kohë kur 5 përqind i numrit të të gjithë
shtegtarëve të krishterë, në të gjithë botën, janë polakë. Kanë fituar shumë popullaritet
në Poloni shtegtimet në bazë grupi, si ato të studentëve, të punëtorëve, të dëgjuesve
të Radio Marisë etj. Në veçanti shenjtëroja e Jasna Gorës mbushet plot më 3 maj,
kur kremtohet Solemniteti i Mbretëreshës së Polonisë, kur dynden maturantë që përgatiten
për provimet. Po ashtu Jasna Gora mbushet me shtegtarë edhe më 16 gusht, dita e të
Ngjiturit të Zojës në Qiell.