കൂട്ടായ്മ ഉപവിപ്രവര്‍ത്തനങ്ങള്‍ക്ക്
പ്രചോദനമാവട്ടെ - മാര്പാപ്പ
11 ആഗസ്റ്റ് 2010
വചനത്തില്‍നിന്നു ലഭിക്കുന്ന സാഹോദര്യത്തിന്‍റെ കൂട്ടായ്മ, ഉപവിപ്രവര്‍ത്തനങ്ങള്‍ക്ക് പ്രചോദനമാവട്ടെയെന്ന്, ബനഡിക്ട് 16-ാമന്‍ മാര്പാപ്പ അര്‍ജന്‍റീനായിലെ ജനങ്ങളോട് ആഹ്വാനംചെയ്തു.
അര്‍ജെന്‍റീനായിലെ ദേശീയമെത്രാന്‍ സമിതി സംഘടിപ്പിക്കുന്ന More for less, ഉള്ളവര്‍ ഇല്ലാത്തവര്‍ക്കായ്, എന്ന ദേശീയ ധനശേഖര പദ്ധതിയെ അഭനന്ദിച്ചുകൊണ്ട്, ആഗസ്റ്റ് 11-ാം തിയതി വത്തിക്കാന്‍ സ്റ്റേറ്റ് സെക്രട്ടറിവഴി അവിടത്തെ അപ്പസ്തോലിക് നൂണ്‍‍ഷ്യോ, ആര്‍ച്ചുബിഷപ്പ് ഏഡ്രിയാനോ ബെര്‍ണ്ണാര്‍ദീനിക്കയച്ച കത്തിലാണ് മാര്പാപ്പ ഇപ്രകാരം ആഹ്വാനംചെയ്തത്. സാമ്പത്തിക പരാധീനത അനുഭവിക്കുന്ന അര്‍ജന്‍റീനായിലെ ബഹുഭൂരിപക്ഷംവരുന്ന പാവങ്ങളായ ജനങ്ങള്‍ പാര്‍ക്കുന്ന പ്രദേശങ്ങളെ സഹായിക്കുവാനുള്ള അവിടത്തെ ദേശീയ കത്തോലിക്കാ മെത്രാന്‍സമിതിയുടെ 39-മാം വര്‍ഷത്തെ പദ്ധതിയാണ്, സെപ്തംബര്‍ 14-ാം തിയതി ഞായറാഴ്ച എല്ലാ ഇടവകകളിലും എടുക്കുന്ന, ഉള്ളവര്‍ ഇല്ലാത്തവര്‍ക്കായ്, എന്ന പിരിവ്. ധനശേഖരത്തില്‍ സഹകരിക്കുന്ന അഭ്യുദയകാംഷികളെയും സഹകാരികളെയും തന്‍റെ സന്ദേശത്തില്‍ അഭിസംബോധനചെയ്ത മാര്പാപ്പ, എല്ലാ വിശ്വാസികളോടും ഈ സംരംഭത്തില്‍ അകമഴിഞ്ഞ് സഹകരിക്കണമെന്നും, വേണ്ട മുന്‍കൈയെടുത്ത് ദാരിദ്ര്യ നിര്‍മ്മാര്‍‍ജ്ജനത്തിനുള്ള പ്രസ്താനത്തെ വിജയിപ്പിക്കണമെന്നും അഭ്യര്‍ത്ഥിച്ചു. കഠിനാദ്ധ്വാനം, സത്യസന്ധത, പങ്കാളിത്തം, നീതിയുടെയും മനുഷ്യാവകാശത്തിന്‍റെയും സംരക്ഷണം എന്നീ മൂല്യങ്ങള്‍ സമൂഹജീവിതത്തില്‍ പ്രായോഗിമാക്കുവാനുള്ള ഉറച്ച തീരുമാനമെടുത്തുകൊണ്ട് നാടിന്‍റെ ശാശ്വതമായ അഭിവൃദ്ധിക്കായി പരിശ്രമിക്കേണ്ടതാണെന്നും മാര്പാപ്പ കത്തിലൂടെ ജനങ്ങളെ ഉദിബോധിപ്പിച്ചു.
| All the contents on this site are copyrighted ©. |