Увечары 10 жніўня 2010 г. у беларускіх мусульман, як і ў мусульман усяго свету, распачаўся
святы месяц Рамадан.
Аб гэтым паведаміў муфцій Мусульманскага рэлігійнага аб’яднання ў Беларусі Абу-Бекір
Шабановіч. З 11 жніўня і на працягу 29 дзён мусульманскія вернікі будуць захоўваць
пост. Па словах муфція Абу-Бекіра Шабановіча, «пост — гэта не толькі час фізічнага
ўстрымання, але ў першую чаргу ўстрымання духоўнага, ад няправільных спраў». Рамадан
завершыцца 9 верасня трохдзённым святам Ураза-байрамам. «Любая ласка ў гэтым месяцы
спасылаецца ад Найвышэйшага ў тысячы разоў больш, чым у іншым, таксама і грахі, учыненыя
ў гэтым месяцы, перавышаюць учыненыя ў іншы час», — адзначыў муфцій Мусульманскага
рэлігійнага аб’яднання ў Беларусі. У апошнія дні посту вернікі раздаюць ачышчальную
міласціну. Catholic.by