Gjeorgji, Moska dërgon raketa në Abkazi: shqetësohet Tbilisi
Rritet tensioni në Kaukaz. Qeveria ruse ka pozicionuar raketat mbrojtëse ajrore S-300
në Abkazi, rajon i Gjeorgjisë që ka shpallur pavarësinë në mënyrë të njëanshme. Kështu
njoftoi komandanti i aviacionit ushtarak rus, gjenerali Lexander Zelin, i cili sqaroi
se qëllimi i mjeteve ushtarake është “mbrojtja ajrore e territorit të Abkazisë e të
Osetisë së jugut”. Të dy rajonet gjeorgjiane kanë shpallur pavarësinë pas konfliktit
të armatosur të gushtit 2008. Pavarësia që qe njohur vetëm nga Rusia e nga pak vende
tjera si Venezuela e Nikaragua. Qeveria e Tbilisit, që mbron integritetin e territorit,
ka shpreh “shqetësimin” për manovrat ruse. Këto manovra ushtarake përgatiten pak
ditë pas një vizite në rajon të presidenti rus Medvedev, gjatë së cilës vizitë ai
ripohoi mbështetjen e ndihmat nga ana e Rusisë. “Duhet të jetë shqetësim jo vetëm
për Gjeorgjinë por për të gjithë aktorët tjerë rajonal, përfshirë edhe Naton”, ka
komentuar zëvendës presidenti gjeorgjian, Temu Yakobashvili, cituar nga Bbc. “Është
e qartë - shtoi ai - që Rusia ka përdorur territoret e pushtuara si platformë ushtarake
për të hedh në qarkullim plane më të larta e të mëdha që nuk kanë të bëjnë me Gjeorgjinë”.