Վատիկանի Միջկրօնական Երկխօսութեան Նախարարը Կը Խնդրէ Պայքարիլ Յարաբերականութեան Եւ
Կրօնական Անհանդրժողութեան Դէմ:
''Աւելի Լայն Տեղ Տալ ՜՜Աստուծոյ՝՝ Որ Մարդիկը Իրարու Կը Մօտեցնէ Եւ Ոչ Թէ Կը Բաժնէ''։
Կարտինալ
ժան Լուի Թորան` նախագահը միջկրօնական երկխօսութեան քահանայապետական խորհուրդին, վերջերս
գլխաւորած է Պանքոկի Սամբրան քաղաքին մէջ ՜՜կրօնները Ասիայի մէջ՝՝ հաւաքին։
Հռոմ
վերադարձին ան ելոյթ ունեցած է Վատիկանի Օսսերվաթորէ Ռոմանօ կիսապաշտօն օրաթերթի հետ,
եւ հաստատած՝ թէ պէտք է աւելի լայն տեղ տալ ՜՜Աստուծոյ ՝՝ որ մարդիկը իրարու կը մօտեցնէ
եւ ոչ թէ կը բաժնէ, յարելով թէ երկու արգելքներ կան. առաջինը` յարաբերականութիւնը, իսկ
երկրորդը անհանդրժողութիւնը։
Կարտինալ Թորանի գնահատումով յառաջդիմութիւնը կը
նահանջէ ամէն անգամ որ անհատ մը սպաննուի կրօնի դրդապատճառով։ Վերոյշեալ հաւաքին նպատակն
է քննարկել կաթողիկէ հաւատացեալներու կապը այլ կրօներու հաւատացեալներու հետ։ Խօսելով
Միջին Արեւելքի (Հոկտեմբերին) Հռոմ կատարուելիք սիւնոդոսի մասին, կարտինալ Թորան երաշխաւորած
է թէ երկխօսութիւնը կրօններու միջեւ կաթողիկէ եկեղեցւոյ առօրեայ իրադրութիւնն է, այդ
աշխարհամասին մէջ, ընդգծելով որ Միջին Արեւելքի քրիստոնեաները տեղւոյն քաղաքացիներն են,
անոնք ապաստան չեն խնդրեր։ Հուսկ կարտինալ Թորան հաստատած է թէ Ս. Երկրին մէջ միաստուածեան
երեք կրօնները պէտք է որ ըլլան ճշմարիտ աշխատավայրը երկխօսութեան։