Presidenti Obama konfirmon tërheqjen e trupave amerikane nga Iraku brenda fundit të
gushtit.
(03.08.2010 RV)Presidenti amerikan Barak Obama pohoi sot se Uashingtoni do
ta përmbushë premtimin e do t’i ndërpresë operacionet luftarake amerikane në Irak,
brenda fundit të gushtit, por shumë irakianë kanë frikë se tërheqja e amerikanëve
do të sjellë një valë të re dhune në vend. Nga ana tjetër politikanët grindavecë irakianë
nuk kanë arritur ende të formojnë një qeveri, në një kohë që zgjedhjet u mbajtën më
7 marsin e kaluar. Pas tërheqjes së amerikanëve rendi do të kalojë nën kontrollin
e plotë të ushtrisë dhe të policisë irakiane e cila ka treguar se ka vështirësi ta
ruajë atë.