Më 3 gusht kalendari Kishtar përkujton Shën Lidien.
Lidia është fryti i parë i pjekur nën rrezet e diellit të krishtërimit në Evropë.
Ishte prozelite hebraike e jetonte në Filipi të Maqedonisë, ku Shën Pali Apostull,
i shoqëruar nga Sila, Timoteo e Luka, pati shkuar gjatë shtegtimit të tij të dytë
misionar, ndërmjet viteve 50 e 53. Shtëpia e Lidies u bë qëndra e parë e bashkësisë
të ndjekësve të Krishtit, pra Kisha e parë në Evropë, në të cilën apostujt takoheshin
dhe u jepnin zemër vëllezërve. Ndonëse mungojnë të dhënat për kultin e Shën Lidies,
që kujtohet në Martiriologun Romak, shenjtëria e saj është e qartë, sepse Lidia qe
ndër të parat që iu përgjigj me gjithë zemër hirit hyjnor. “Të shtunën – rrëfen
Shën Luka në Veprat e Apostujve - dolëm jashtë portës dhe ecëm gjatë brigjeve të lumit,
ku mendohej se do të gjindej një vend për lutje. U ulëm e filluam t’u flisnim grave,
që ishin mbledhur për të na dëgjuar.Njëra nga ato, e quajtur Lidia, tregëtare purpure,
nga qyteti i Tiatirës, grua me frikën e Zotit, po na dëgjonte. Zoti ia hapi zemrën
që ta kuptonte çka po thoshte Pali. Atëherë ajo kërkoi të pagëzohej, e bashkë me të
u pagëzuan edhe njerëzit e tjerë të familjes, të cilët nisën t’i prisnin misionarët
në shtëpinë e tyre si miq të dashur. Kështu Lidia u bë prototip e simbol i të gjitha
grave, që ndezën brënda mureve shtëpijake, flakën e fesë në Krishtin.