Brukseli këshillon: Prishtina dhe Beogradi dialog për çështje praktike
Ministri i jashtëm i Belgjikës, Steven Vanackere, vendi i të cilit ka presidencën
e Bashkimit Evropian, deklaroi se nuk janë shuar të gjitha gjasat që të arrihet një
konsensus me Beogradin për një projektrezolutë të përbashkët në Asamblenë e Përgjithshme
të OKB së. Ai i tha BBC-së se BE ja dëshiron që të arrijë një pajtueshmëri për disa
ndryshime në tekstin e projektrezolutës serbe, që çojnë kah logjika e një rezolute
jokonfrontuese në Asamblenë e Përgjithshme. Qeveria e Serbisë ka dorëzuar në OKB
një projektrezolutë, e cila ka ngjallur reagimin e një numri vendesh të BE së dhe
SHBA së, përmes së cilës ajo kërkon hapjen e një dialogu me Prishtinën për të gjitha
çështjet e hapura. Megjithëse nuk e përmend drejtpërdrejt statusin, projektezoluta
serbe vlerëson se shkëputja e një terrotori nuk është i pranueshëm për 'zgjidhje territoriale'.
Ministri i jashtëm belg pohoi se nuk janë të dobishme idetë për bisedime rreth statusit
të Kosovës, por vlerësoi se një dialog politik mes Prishtinës e Beogradit duhet të
vendoset për çështje praktike me interes të përbashkët.