ԱՐԱՄ Ա. ԿԱԹՈՂԻԿՈՍ ԱՅՑԵԼԵՑ Ն.Ս. ԶԱԳԳԱ Ա. ԻՈՒԱՍ ՊԱՏՐԻԱՐՔԻՆ
Հինգշաբթի, 29 յուլիս 2010-ին, Մեծի Տանն Կիլիկիոյ Արամ Ա. կաթողիկոս այցելութիւն տուաւ
ասորի ուղղափառ եկեղեցւոյ պետ՝ Զագգա Ա. Իուաս պատրիարքին՝ Պիքֆայայի հայոց վանքին դրացնութեան
մէջ գտնուող Աթշանէի ասորիներու վանքին մէջ:
Ընդունելով հայոց հայրապետը՝ Զագգա
պատրիարք յատուկ հանդիպում ունեցաւ վեհափառին հետ՝ քննարկելով յատկապէս Միջին Արեւելքի
եկեղեցիներու խորհուրդի աշխատանքները: Առկախ ծրագիրներու գործադրութեան ժամկէտները քննարկելով՝
վեհափառը եւ պատրիարքը խօսեցան մասնաւորաբար որոշ աշխատանքներու մասին, որոնք վերադասաւորման
կարիք ունին:
Հանդիպման ներկայ գտնուեցան նաեւ ասորի ուղղափառ եկեղեցւոյ գերագոյն
սինոտի անդամ եպիսկոպոսները: