Աղէտ (Aghet։ A Genocide) ֆիլմը ցուցադրուեցաւ Քափիթոլ Հիլի մէջ

Քափիթոլ Հիլի մէջ տեղի ունեցաւ գերմանացի բեմադրիչ Էրիկ Ֆրիտլերի Aghet, ֆիլմի ցուցադրութիւնը։ Ամերիկացի գոնկրէսականներուն ֆիլմը ներկայացուց Քալիֆորնիոյ նահանգէն ընտրուած Ատամ Շիֆը, որ Հայոց Ցեղասպանութեան մասին 252 բանաձեւի համահեղինակն է։ Ներկայ գտնուեցաւ ՀՀի մօտ ԱՄՆ նախկին դեսպան Ճոն Էվանսը, Screamers ֆիլմի բեմադրիչ Գարլա Կարապետեանը, Հայոց ցեղասպանութեան յիշատակին կեդրոնի ղեկավար Վարդգէս Եգանեանը, Ամերիկայի Հայ դատի յանձնախումբի գործադիր տնօրէն Արամ Համբարեանը։
Պատիւ ունիմ ներկայացնելու իմ գործընկերներուն XX դարու առաջին ցեղասպանութեան մասին պատմող ֆիլմը։ Հայոց ցեղասպանութեան ճանաչման համար պայքարին մէջ մեր զէնքը ճշմարտութիւնն է, որ, ի վերջոյ, պիտի յաղթէ,- ըսած է Շիֆը։