Քահանայապետական Անուանում

Պենետիկտոս ԺԶ Սրբազան Քահանայապետը, Պրազիլի արեւելեան ծէսի պատկանող՝ կաթողիկէ հաւատացեալներու առաջնորդ անուանեց Գերապայծառ Վալմոր Օլիվէյրա Տէ Ազէվէտոն։ Ան կը յաջորդէ Ռիօ Տէ Ժանէյրոյի Սաօ Սեպասդիաօ-ի Արքեպիսկոպոս Կարտինալ Էուզէպիօ Օսգար Սգէյտի։

Գերապայծառ Վալմոր Օլիվէիրա Տէ Ազէվէտոն ծնած է 26 ապրիլ 1954 Պահիայի -Գոգոս շրջանը։ Նախնական ուսումը եւ ապա փիլիսոփայական եւ Աստուածաբանական համալսարանական ուսումները աւարտելէ ետք ժամանած է Հռոմ, Պրազիլցիներու Պիոս Քահանայապետական Վարժարան։

1977 - 1980 տարեշրջաններուն ընթացքին ստացած է Աստուածաշունչի Քահանայապետական Ինստիտութի կողմէ ''Սուրբ Գիրքի գիտութիւններու'' վկայական, իսկ 1985 ին Քահանայապետական Կրէկորիանա համալսարանէն ստացած է ''Սուրբ Գիրքի Աստուածաբանութեան'' Համալսարանական Վկայականը։ Քահանայ ձեռնադրուած է 1977ին։ Պաշտօնավարած է իբրեւ դասատու, ժողովրդապետ եւ րէկտոր։ 1988ին նշանակուած է եպիսկոպոս եւ 2004 ի ստացած է Արքեպիսկոպոսի տիտղոս։



Նորին Սրբութիւնը 27 յուլիսին ընդունելով ֆրանսայի Օրլէան Թեմի առաջնորդ Գերապայծառ Անտրէ ֆորդի, տարիքի բերումով` ներկայացուցած հրաժարականը, անոր տեղ անուանեց Գերապայծառ Ժագ Պլագարը որ մինչեւ օրս Եբերի Եպիսկոպոսն էր։